பொன் முடி –கேரளா ஒரு பயண அனுபவம்:

பொன் முடி –கேரளா ஒரு பயண அனுபவம்:

          ஊருக்கு வரும்போதெல்லாம் எங்காவது போட்டோ எடுக்க போவது வழக்கம், இதுக்கு நாங்க வச்சிக்கிட்ட பெயர் ஃபோட்டோகிராபிக் டுர், இந்த தடவை கேரளாவில் உள்ள  பொன் முடி எனும் இடத்துக்கு போகலாம்னு முடிவு செஞ்சோம், எப்படி போவது திரு நெல்வேலியில் உள்ள பல ட்ரவல்ஸ்கிட்ட கேட்டும் யாருக்கும் இந்த இடம் தெரியல. கடசியா உதவியது குகுள் மேப், அத பார்த்து குத்துமதிப்பா டிரைவரிடம் சொல்லி  கிளம்பினோம்.

     திருநெல்வேலி – தென்காசி – ஆரியங்காவு – தென்ம்லை – பொன் முடி. 120 கிமீ தூரம், நல்ல ரோடு, சுகமான பயணம்.

      பார்க்க அனுபவிக்கன்னு எந்த எடமும் இங்கு இல்லை இங்கு அருமையான Weather ( தமிழ்ல அடிச்சிட்டு சிரிச்சிட்டேன்), பச்சை மலைகள், கம்மியான கூட்டம், அமைதியான் சூழல், மாசுபடாத காற்று. ஒரு நாள் தங்கிட்டு வந்தோம்.

     ஒரே ஒரு KTDC ஹோட்டல் மட்டும்தன் இங்கு இருக்கு, இண்டெர் நெட் கிடையாது, BSNL மட்டும் சிக்னல் இருக்கும், வேறு எந்த ஒரு கடையும் கிடையாது, தற்சமையம் ISRO இங்கு ஒரு அருக்காட்சியம் கட்டிக்கொண்டுருக்கிறார்களாம்,  22 ஹெர் பின் வளைவுளை கடந்து, இண்டர்நெட்டில் முன்பதிவு செய்த ருமில் தங்கினோம்.

    சரி அங்க என்ன இருக்கு, ஒன்னுமில்லை அதாவது விசேசமா ஒன்னுமில்லை, காலாற் நடந்து பச்சை நிற மலை குன்றூகளில் ஏறலாம், இயற்க்கை காட்ச்சிகளை ரசிக்கலாம், நன்பர்களொடு அந்த் சுழலில் உட்கார்ந்து பேசலாம், தியானம் பண்ணலாம், எப்படி ரசிக்கனும் என்கிறதை யாரோ முடிவு பண்ணுவதவிட, நாம்தான் அதை திர்மானிக்கனும் ( Post modernism , இது இந்த கட்டுரையில் நான் ரொம்ப பெருமையா ஃபில்ய இடம்).

      25 டிகிரி வெப்பம், மிதமான காற்று நல்ல விய்வு கொண்ட தங்கும் விடுதி என ஒரு ரம்மியமான சுழல். விதவிதம்மா ஃபோட்டக்கள் எடுத்தோம், அவரவர் கற்றுக்கொண்ட புதிய யுத்திகளை பறிமாறிக்கொண்டோம், கற்றவை, பார்த்தவைகளை பற்றி பேசி ரசித்தோம்.

  Action இல்லாது ஒரு பயணமா, போடுங்க ஒரு ட்ரக்கிங், காட்டுக்குள் ஒரு 6 கிலோ மீட்டர் உள்ளே  நடந்து போனோம், அட்டை கடி, யானை விட்ட, அதிலும் ஒரு மாசம் முந்தியது, ஒரு வாரம் முந்தியது என பல வகைகள், மான் புளுக்கை, கரடி நகக்கிரல், 4 எட்டுக்கால் பூச்சி, 3 வண்ணத்து பூச்சி, போன்ற பார்க்க முடியாத பலவற்றை பார்த்தோம். என்னதான் இருந்தாலும் காட்டுக்குள் போயிட்டோம்னு ஒரு திருப்தி. இந்த காட்டு ட்ரெக்கினால் என்ன பயன்ன்னு கேட்டேன், நமக்கும் அட்ட கடிச்சிருக்குன்னு நாம இனிம சொல்லிகலாம்னு ஒரு பாசிட்டிவ் அட்டியூடோடு ஒரு பதில் வந்திச்சி  நம்ம கூட்டத்தில் ஒருத்தனிடம்மிருந்து ( அந்த கம்பேனி HR  நல்ல விதச்சிருக்காங்க), காட்டுக்குள்ள போவதுக்கு முன் சொல்லிவச்ச மோட்டா அரிசி மீண் குழ்ம்பு சாப்பாடு சாப்பிட்டு விட்டு வரும் வழியில் உள்ள மீன் முட்டி நீர் விழ்ச்சிய பார்க்கமுடியாமல் வீடு திரும்பினோம்.  ( நாலு மனிக்கு மேல நீர் விழ்ச்சி க்ளோசாம், நாங்களலா காலை நாலு மணிக்கு குற்றாலத்தில் குளிப்போம்).