தண்டனை ரத்து கொண்டாட்டம்:

தண்டனை ரத்து கொண்டாட்டம்:

சிலர் அம்மாவுக்கு நன்றிங்க்றான், இன்னும் பலர் நீதி கிடைத்துவிட்டது என்கிறார்கள், சிலர் தமிழர்களுக்கு வெற்றிங்றான், எதுவும் சொல்லவில்லையென்றால் தமிழின துரோகின்றான். ஃபேஸ்புக்கே கொண்டாடுது. அரசியல் தலைவர்கள் உற்சாக வரவேற்ப்பை கொடுக்கிறார்கள், தமிழக அறிவு ஜிவி சமுகம் துள்ளி ஆர்பரிக்கிறது, சினிமா நடிகர்களான தமிழக தத்துவவாதிகள் எல்லோரும் வெற்றி முழக்க...ம் இடுகிறார்கள். இனையத்திலும் பேஸ்புக்கில் சிலாகிக்கிறார்கள். படித்தவர்கள் புகழ்கிறார்கள்.

மிடில.

இவர்களது மன ஓட்டத்தோடு என்னால் ஒத்து போக முடியாமல் இருப்பது ஏன்? என்பதைப் பற்றீய சிறிய பதிவு.

                தண்டனை ரத்து சட்டத்திற்க்கு உட்பட்டு இருப்பது போலதான் இருக்கிறது. உடன்பட முடிகிறது. ஆனால் இந் நிகழ்வை கொண்டாட முடியவில்லை. நீதிமன்றம் மரண தண்டனையை ரத்து செய்ததை ஏற்றுக் கொள்ள வேண்டும் ஏனனில் அது பல வாதங்களுக்கும் சாட்சியங்களின் பரிசிலனைகளுக்கு பிறகு தந்த தீர்ப்பு.

         ஆனால் குற்றம் நிருபிக்கப்பட்டவர்களின் தண்டனை ரத்தை கொண்டாட முடியாத அளவிற்க்கு பரந்த மன பக்குவம் எனக்கு இல்லையே என்பதுதான் எனக்குள் பயத்தை கொண்டு வருகிறது.

                தமிழனாக இருந்து கொண்டு இப்படியான குற்றவாளிகளின் விடுதலைக்காக சந்தோஷம் அடையாத எனது மனது வெறும் கல்தான். என்பது போலவும் தோன்றுவதை மறைக்க முடியவில்லை.

எனது தந்தையை கொன்றவனையும் மகளை பலத்காரம் செய்தவனின் குற்றங்களைக் கூட வருங்காலத்தில் இது போல நடக்கும் பட்சத்தில் நானும் பரந்த எனது மனதையும் மனிதாபிமானத்தையும் எனது கொண்டாட்டம் மூலம் காட்டிக் கொள்வேனாக. அதற்க்கான மன உறுதியை ஆண்டவன் தருவானாக.

                   இந்த கொண்டாட்டங்கள் எப்படி நாம் குற்றங்களை சகித்துக் கொள்கிறோம் என்பதை சொல்வதாகவும், குற்றங்களை தடுப்பதின் மீது உள்ள நம்பிக்கையையின் அளவை காட்டுகிறது என்றும் ஏன் நாம் பார்க்க கூடாது? 

                இதை வரவேற்றும் நீதி நிலை நாடுதல் பற்றீயும் பல அறிவு ஜிவிகளும் சொல்லுவது வியக்கவே வைக்கிறது.  குற்றங்கள் தடுப்பதில் நீதியின் தேவையை பொது மக்களுக்கும் இளைய  சமுதாயத்தினருக்கும் உணர்த்த கடமைபட்டுள்ள அறிவு ஜிவிகள் சந்தோஷத்துடன் குலுகலிப்பது வேதனையாகவும் இருக்கிறது.
             

                 இப்படியான கொண்டாட்டங்கள் முலம் குற்றவாளிகள் மிக லெகுவாக மக்களின் அனுதாபத்தை பெற்று அரசியலில் இறங்கி நம்மை ஆளுபவர்களாக ஆகிவிடுவதையும் நினைவில் கொள்ள வேண்டும். புலான் தேவி பாராளுமன்றத்திற்க்கு தேர்வானது இப்படிதான்.  நம்மை ஆளும் அதிகாரத்தை கூட தானாமாக வழ்ங்கும் நிலைக்கு  நம்மை நாமே கொண்டு சென்றூவிடுகிறோமோ என்கிற  சந்தேகம் உருவாகுவதையும் தடுக்க முடியவில்லை.

 

 

 

 

        இந்த நான்கு பேர்கள் என்னை பொருத்தவரை வரும் தேர்தலில் வெற்றீ வாய்ப்பு அதிகம் உள்ள தேர்தல் வேட்பாளர்கள்  நல்ல அரசியல் கட்சி சார்ப்பாக போட்டியிட்டால் வெற்றி கூட பெற்றுவிடுவார்கள். அப்படியில்லையென்றால்  தேர்தல் கள பணி செய்வார்கள். 

இங்கு நான் தீர்ப்பின் மீது வாதத்தை வைக்கவில்லை. இதை பெரிய புரட்சியாக பார்க்கும் மன நிலையோடு ஓத்து போக முடியாத நிலையை விளக்குகிறேன். குற்றங்களுக்கு தகுந்த தண்டனை என்ற பயம் எல்லா சமுகத்திடமும் இருக்க வேண்டியது. அது  இந்தியாவில் இல்லை என்பது எல்லோருக்கும் தெரிந்ததுதான்.  அடுத்த குற்றம் நடக்கும் பொழுது ஒருத்தனுக்கும் பயம் இல்லைப்பா என்கிறதையும் நாம சொல்லிக் கொள்வோம்  இன்று கொண்டாடிய கொண்டாட்டத்தை மறந்து..  

 

 அமைதியாக கடந்து போக வேண்டியதிற்க்கு புரட்சி சாயம் பூசி கொண்டாடுகிறோம் என தீர்கமாக சொல்ல முடிகிறது என்னால்.  எதற்க்கெடுத்தாலும் போஸ்டர், ஃப்ளக்ஸ் போர்ட் வைக்கும் கலாசாரத்தின் நீட்டிப்பாகவே இதை பார்கிறேன். இதை ஆதரித்த அறிவுஜிவிகளை சந்தேகத்தோடு பார்க்கிறேன்.

முடிவாகவும் சொல்கிறேன் இது இந்த தண்டனை ரத்து கொண்டாட்டம் மீதான பதிவு.