எனது சூப்பர் ஹீரோ கதை 8: லியோ வைரக்கண்ணுவின் ஆளுமை - வாசகர் கடிதம்

எனது சூப்பர் ஹீரோ கதை 8:  லியோ வைரக்கண்ணுவின் ஆளுமை - வாசகர் கடிதம்

      இதுவரை

1.    http://nirmalcb.blogspot.com/2013/05/1.html 
2.   http://nirmalcb.blogspot.com/2013/05/blog-post_25.html 
3. http://nirmalcb.blogspot.com/2013/05/blog-post_31.html 
4. http://nirmalcb.blogspot.com/2013/06/blog-post.html 
5. http://nirmalcb.blogspot.com/2013/06/blog-post.html
6. http://nirmalcb.blogspot.com/2013/06/5-author-is-dead.html
7. http://nirmalcb.blogspot.com/2013/06/7.html

 அன்புள்ள மெரின்சோ
                  உங்களின் சூப்பர் ஹிரோ கதை முயற்சியை பார்த்தேன், பிடித்திருந்தது.  நானும் எனது சூப்பர் ஹிரோ உருவாக்குவதில் தோல்வி அடைந்துவிட்டேன், உங்களின் தோல்வியை இப்போதே என்னால் உணர முடிகிறது.  தோல்வியுற்றால் சிக்கிரம் இந்த தொடரை நிறுத்திவிட்டு வேறு வேலை பார்க்கலாம் என தோன்றும். நிறுத்துவதும் தொடருவதும் உங்கள் விருப்பம். இருந்தும் ஒரு சூப்பர் ஹிரோவின் ஆளுமை எப்படி இருக்க வேண்டும் என உங்களுக்காக நான் செய்த வரைபடம் கீழே உள்ளது.

                    உங்களின் வைரக்கண்ணு இப்படிப்பட்டவரா என தெரியாது ஆனால் இப்படி இருந்தால் மட்டுமே சூப்பர் ஹிரோவாக முடியும் என்பது எனது என்னம். இப்படிப்பட்ட ஆளுமை சாத்தியமா, அதை இந்த சமுகம் அனுமதிக்குமா, இந்த ஆளுமையோடு வாழும் சங்கடம் என்ன? போன்றவற்றை சொல்ல உங்களுக்கு அனுபவமும் அறிவும் இருக்கிறாதா என்று தெரியவில்லை. இருந்தும் ட்ரை செய்யுங்கள்.
                 பிறப்பிலே மட்டுமே சூப்பர் ஹிரோ சாத்தியம் என்கிற பாரம்பரிய சிந்தனையை தகர்த்து, ஏதோ கிறுக்கன் சந்தர்ப்ப சூழலில் சூப்பர் ஹிரோவாக்கியது என்னை அசைத்துவிட்டது. இதுதான் இன்றைய தேவை எனவும் படுகிறது. சூப்பர் ஹிரோவாக மட்டுமெல்ல சாதாரன மனிதனாக கூட இந்த ”பிறப்பு”  சார்ந்த உணர்வை அழித்து போட வேண்டுமென்பது எனது எண்ணம்.
                 எல்லாவற்றிர்க்கும் காரணம் வேண்டும், எல்லா விளைவுகள்  அர்த்தம் உள்ளது, அர்த்தம் இல்லாது ஏதும் இல்லை, காரிய காரணங்களோடு  மட்டுமே இந்த வாழ்க்கை அமைந்துள்ளது போன்ற சிந்தனை முறையை சந்தேகிக்கிறேன்.
      பிறப்புக்கும் இறப்புக்கும் அர்த்தம் கற்ப்பிக்கும் இந்த சிந்தனை முறை என்னை பொருத்தவரையில் கொழுப்பெடுத்த சிந்தனை என்பேன். இது பாலும் தேனும் ஓடும்  தேசத்தில் மட்டும்தான் தோன்றிருக்க வேண்டும்.

     இன்னும் உங்கள் கதை போக்கை வாசித்து எழுதுகிறேன்.

  இப்படிக்கு
  செ. தர்மகனேசன்
  தலைமை ஏட்டு
  தட்டார்மடம்

எனது சூப்பர் ஹிரோவின் கதை -7: குறிப்புகள்

       Author is dead என ஆனப்பிறகு கதைக்கான குறிப்புகளை சொல்லுவதாக முடிவெடுத்து, எடுத்த குறிப்புகள் உங்கள் பார்வைக்காக. 

 லியோ வைரக்கண்ணுவை பற்றி அவன் இருந்தாக சொல்லப்படும் கோவில் ஆவனங்களில் கண்ட குறிப்புகள்:

                     அப்போது அவனுக்கு வயது 18, ஊரின் ஓரத்தில் செல் போன் டவரில் கட்டிபோடப்பட்டிருந்தாகவும், சில சமயம் அவன் பைத்தியக்காரன் போல ஆகிவிடுவதாகவும் அதனால் ஊரில் நிறைய பிரச்சனைகள் ஆகின்றது எனவும், இனி இவனை இந்த ஊரில் வைத்திருந்தால் தாங்காது என கருதி, இந்த கோவிலில் சேர்ந்து அவனை குணப்படுத்த வேண்டி சேர்ந்தனர். மிகவும் ஆக்ரோஷமாக இருந்து கொண்டிருந்தான் அவன். அவன் திடிர் திடிரென மிகுந்த பலம் கொண்டு சீறுவான், அப்படியான நிலையை அடையும் போது அவனது கண்களின் கரு விழி அவனது வெள்ளை நிறத்தோடு கலந்துவிடும். அதிலிருந்து விசித்திரமான ஓளி வெள்ளம் பெருக்கெடுக்கும். அதனால் அவனது கண்களை கட்டிப்போட்டோம். அது  நல்ல பலனை தந்தது. கண்கள் கட்டப்பட்டு, ஓளியின்றி இருந்துவந்தான், அவனின் மொட்டை முடிகளின் உள் புறத்திலிருந்து லேசர் கதிர் போல ஓளி விச ஆரம்பித்திருந்தது,

  தலையில் இருந்து விசும் ஓளி இரவில் பார்க்கும் போது பெட்ர்மாக்ஸ் லைட் மேண்டிலை தலையில் கவிழ்த்தது போல இருக்கும். – என அந்த குறிப்பில் இருக்கிறது.

       பிறகு  அவனது ஓளி விசும் மொட்டை தலைக்கும் தலப்பாகையை கொண்டு முடினார்களாம். கண்களிலும், தலையிலும் விசிய ஒளிகள் அவனது உடல் முழுக்க பரவ ஆரம்பித்தது, ஒரு வித ஓளி ஆடையை அவன் உடுத்தியது போலவே காட்சி அளித்தான். பிறகு சில காலம் கழித்து அவனை காலையிலும் மாலையிலும் மட்டும் கண்களின் கட்டுகளை அவிழ்த்தோம். கண்கள் அமைதியாகவும் தீர்கமாகவும் இருப்பதாக உணர்ந்தோம். இவ்வாரு அவன் சாந்தமாகவும் அமைதியாகவும் காட்சியளிக்க ஆரம்பித்தான்.

இது கருப்புயோலியை பற்றிய குறிப்பு:

               கருப்புயோலியை பற்றிய இந்த குறிப்பு அந்த ஊர் மக்களிடம் இருந்து எடுத்தது. இந்த ஊரில் பிறந்த கருப்புயோலி, மிகவும் கடின உழைப்பாளி, சிறு வயதிலிருந்தே வேலைக்கு செல்லும் கட்டாயம் இருந்தபடியால், அவனும் ஊரில்கிடைக்கும் சிறு சிறு வேலைகளுக்கு சென்று வருவான். அப்போழுதுதான் அவர்கள் ஊரில் செல் போன் டவர் ஒன்றை நிறுவும் வேலை நடந்தது, இவனும் அந்த வேலையில் சேர்ந்தான். சிறுக சிறுக கட்டப்பட்ட செல் போன் டவர் இறுதியில் முக உயர கோபுரமாகியது. பிரமிக்க வைக்கும் அந்த உயரம் கருப்பு யோலிக்கி ஆச்சரியமும் அந்த உயரமான கோபுரத்தின் உச்சியை அடைந்துவிடவும் தோனியது. செல் போன் டவர் நிறுவிய பிறகு அதை செயல்பட ஆரம்பித்தபிறகு ஒரு  நாள், அதன் மீது ஏறினானாம். மேலே சென்றவன் இன்று வரை கிழே வரவில்லை. கீழ் இருந்து பார்த்தவர்கள், அவன் தீடிரன்று கத்தியதாகவும், அதை தொடர்ந்து பீங்….பீங்…….. என  பற்க்களும் காதுகளும்க் கூசும் அளவுக்கு ஒரு விதமான ஓலியை கேட்டார்கள் என்றும் சொல்கிறார்கள். ஆனால் அவன் மேலயும் இல்லை, கிழயேயும் வரவில்லை. அந்த ஊர் மக்கள் இன்றுவரை அவன் அங்கு சாமியாக இருக்கிறான், இந்த ஊரை காக்க என சொல்லிகொள்கிறார்கள். அந்த செல்போன் டவரில் கட்டப்பட்டு இருந்துதான் இந்த லியோ வைரக்கண்ணையும் கண்டுபிடித்தார்கள். இன்று வரை இந்த கருப்பு யோலியை யாரும் கண்டது இல்லை, அவனை  டவர் சித்தன் என்றும் டவர் சாமியென்று நம்புகிறார்கள். சிலர் அவனை செல்போன் டவரில் இருக்கும் மைக்ரோவேவ் ஜெனரெட்டரிலிருந்து வெளிவரும் கதிர்விச்சில் கலந்து போயிருப்பான் என்றும் நம்புகிறார்கள்.

  இந்த குறிப்பை பற்றிய மெரின்சோவின் கருத்து: 

                          இந்த குறிப்பை வாசித்தபிறகு எதை நம்புவது என தெரியவில்லை. யார் எப்படிப்பட்டவன் யார் சாமி, யார் கெட்டவன் எனறும் புரியவில்லை. இப்போதிக்கு உருவம் அற்றவன் கருப்புயோலி, உருவம் உள்ளவன் லியோ வைரக்கண்ணு. ஒருவேளை கருப்புயோலி எனும் சாமியின் பக்த்தனாக இருந்த லியோவிற்க்கு அற்ப்புத சக்தி அளித்து அவனை உருவாக்கிருக்கலாம்.  இல்லையென்றால் கதிர் வீச்சில் அலைக்கற்றையாக மாறிய கருப்புயோலியின் திடப்பொருள் வடிவம் லியோவாக இருக்கலாம்.

 இவர்கள் ஏன் இப்படியாக இருக்க வேண்டும், இவர்களின் தேவை என்ன என்பதை எப்படி இந்த கதாபாத்திரங்களுக்கு தெரியாதோ அதுபோலவே எனக்கும் தெரியாது.

          கருப்புயோலி செல்போன் கதிரியக்கத்தினால் அலைகற்றையாக மாறி பல சாகஸங்களை செய்திருக்கலாம் ஆனால் அவனை யாரும் உணராமல் போகவே ஊரில் கிறுக்கனாக திரிந்த லியோ வைரக்கண்ணுவை பிடித்து அவனுள் அவனின் சக்தியை அளித்து சாகசங்களை தொடர்கிறான் எனவும் வைத்துக்கொள்ளல்லாம்.

   

    யோசித்து பார்த்தால் இதுதான் உலகத்திலே அதி பயங்கர சஸ்பன்ஸ் தொடராக இருக்கும்போல, என்ன முடிவு, என்ன ஆகப்போகுது என்பதை வாசகன் மட்டுமெல்ல எழுதுபவனுக்கு கூட தெரியாது போலயே?.

                  இது கதையின் போக்கை மாற்றி ஆமைந்துகொண்டே இருக்கிறது, எனென்றால் இது ப்ளாக் கதை தொடர். ரியல் டைமில் எழுதும் தொடர் கதை, இந்த கதைக்கு கிடைக்கும் பின்னுட்டம், விமர்சனங்கள் கூட கதையின் போக்கை மாற்றும். அப்படிப்பட்ட விமர்சனம் ஒன்றை உங்கள் பார்வைக்கு, 
            http://verppulukkal.blogspot.in/2013/06/blog-post_13.html

 இது பாலா எழுதியது, இந்த விமர்சனம் எப்படியாக மாற்ற போகீறது எனபதை பொருத்து இருந்து பார்ப்போம்.

           உங்களுக்கு இந்த இருவரை பற்றிய குறிப்புகள் கிடைத்தால் அனுப்புங்கள் அது கூட மாற்றலாம். அல்லது மாற்றி எழுதிக்கொள்ளல்லாம் – ” மாற்றி எழுதிக்கொள்ளலாம்” எனும் பதத்தை எழுதி முடித்ததும் கலக்கிட்டா மெரின்சோ என சொல்லிக்கொண்டான்.

        

மாற்றங்கள் தொடரும்………

எனது சூப்பர் ஹிரோவின் சாகச கதை 6: the Author is Dead.

எனது சூப்பர் ஹிரோவின் சாகச கதை 5: the Author is Dead.
  

     இதை வாசிக்கும் முன் முதல் நான்கு கதைகளை வாசிக்கவில்லை என்றால் இந்த சுட்டிகளில் வாசிக்கலாம், வாசிக்காமலும் இருக்கலாம், அது உங்க இஸ்டம்:

1.   http://nirmalcb.blogspot.com/2013/05/1.html

2.   http://nirmalcb.blogspot.com/2013/05/blog-post_25.html

3. http://nirmalcb.blogspot.com/2013/05/blog-post_31.html

4.http://nirmalcb.blogspot.com/2013/06/blog-post.html
5.http://nirmalcb.blogspot.com/2013/06/blog-post.html

           எனது பாஸ்வேர்டை திருடி, இல்லை யூகித்து அவனது கருத்தை சொல்லிவிட்டான் கருத்துயோலி, அவன் எழுதியது சரிதான் அவனை வில்லனாக்கவே அவனை கொண்டுவந்தேன்.  ஒரு ஸ்ட்ராங் அண்டி ஹிரோ இருந்தால்தான் லியோ வைரக்கண்ணுவை இன்னும் சிறப்பாக காட்டமுடியும், அதுவே எனது கதையை விறுவிறுப்பாக செல்லவும் சாகசம் நிறைந்ததாகவும் ஆக்கும் என நம்பினேன், அந்த நம்பிக்கையில் மண்ணை அள்ளி போட்டுவிட்டான்.   நமது இதிகாச நாயகர்களும் சூப்பர் ஹிரோக்களும் வீட்டின் பூஜை அறையில் சிறைவாசம் புரிவதால், நமது ஊருக்கென்று ஒரு சூப்பர் ஹிரோ வேண்டுமெனும் நல்ல  நோக்கத்தில்தான் இந்த சூப்பர் ஹிரோ கதையை ஆரம்பித்தேன், இப்போது, அந்த ஆசையை பெட்ரோல் ஊத்தி கொளுத்திவிட்டான் கருப்புயோலி.

           இந்த கருப்புயோலி எனது நோக்கத்தை கண்டுபிடித்து விட்டான். இந்த கதை தொடர இருந்த இடத்திலிருந்து 90 டிகிரி கோணம் திரும்பி பயனிக்க வைத்துவிட்டான்.  இது எழுத்தாளனுக்கு ஏற்ப்பட்டிருக்கும் மிக இக்கட்டான சூழல், அவனே சிருஸ்டிகர்த்தா எனும் தளத்தை தகர்க்க முயற்ச்சி செய்யும் இந்த கதையின் கதாபாத்திரம். இந்த பாத்திரம் சொல்லவரும் கதை நான் நினைத்த கதையை மாற்றுகிறது. எனது படைப்பாற்றல் கேள்விக்குரியதாகிவிட்டது. இதை எப்படி எதிர்கொள்ள வேண்டுமென தெரியவில்லை. இதை நிகாரித்துவிட்டு எனது போக்கிலே தொடரவா, இல்லை அவனை ஆசிரியனாக ஆக்கிவிடலாம, தெரியவில்லை இந்த இரண்டு முடிவுகளுக்கு இடையில் இருக்கும் மற்றும்மொரு முடிவினை எடுக்க முடிவு செய்ய முடிவு செய்துள்ளேன். சிருஸ்டிக்கும் வேலையை விட்டுவிட்டு தொகுப்பாளானக மாற முடிவு செய்துவிட்டேன். இதன் மூலம் படைக்கும் ஆற்றலை வாசகனிடம் விட்டுவிட்டு, வெறும் தொகுப்பாளனாக முடிவு செய்துவிட்டேன்.

          இந்த கதைக்காக நான் எடுத்து வைத்திருந்த குறீப்புகளை இங்கே தொகுத்து தர முடிவு செய்துவிட்டேன், யார் சூப்பர் ஹிரோ என்பதை அந்த குறிப்புகளை உள் வாங்கி வாசிக்கும் வாசகனே முடிவு செய்துகொள்ளட்டும். From Now on - The Author is Dead.

      வாசிக்கும் நீங்களும் கூட உங்களுக்கு தெரிந்த குறிப்புகள் இருந்தால் அனுப்பலாம். 

 தொடரும்....

எனது சூப்பர் ஹிரோவின் சாகச கதை 5: உங்கள் சாகச கதைக்கு காதல் தேவை - பின்னுட்டம் & பதில்

உங்கள் சாகச கதைக்கு காதல் தேவை: லியோ வைரக்கண்ணுவின் சாகச கதைக்கு வந்த பின்னுட்டம்:

           நீங்கள் இந்த கதைக்கு கண்டிப்பாக கதா நாயகியை அறிமுகபடுத்த வேண்டும், காதல் இருந்தால் இன்னும்  நல்லா வரும்.

 பதில்:

       ஆமாம் ஆசைதான், ஒரு அம்மா, இரண்டு தங்கைகள், ஒரு மனைவியென வாழ்ந்த மிடில் க்ளாஸ் மனிதன் அவனுக்கு தெரிந்தவற்றை  வைத்து காதல் கதை சொன்னால், தமிழ் பட காதல் கதையாகதான் இருக்கும், டையலாக் எழுத தெரிந்தவன், தமிழை பிழையின்றி எழுத தெரிந்தவன், கோர்வையாக வாக்கியம் எழுத தெரிந்தவன், நடிக்க தெரிந்தவன், பெண்ணிய போராளி, கேமராவை பிடிக்க தெரிந்தவன், வர்க்க போராளி, சினிமா எடுக்க தெரிந்தவன் ஆகியோர்  படைத்த ஆக்கங்கள் காதலை அவமானபடுத்தியது போதாதா?

     மேற்கூறிய திறன் இருந்தால் மட்டும் போதும் காதல் கதைகள் சொல்ல, அது எவ்வளவு போலியாக இருந்தாலும் சரி என்றுதான் கடந்த 50 வருடங்களாக காதல் கதை என்கிற பேரில் பார்த்தவைகள், படித்தவைகள், என்பதை மட்டும் மெரின்சொவின் கருத்தாகி இருந்தது வெகு  நாளாக.

    இப்படியாக எந்த திறனும் இல்லை என்கிற காரணத்தாலும், போலி தலைக்கணமும், வறட்டு திமிர்த்தனமும்,  ஒழுக்கமான மிடில்க்ளாஸ் ஜெண்டில் மேன் வாழ்க்கையை வாழ்ந்தவனான மெரின்சோ காதல் கதை சொன்னால் அது இந்த சாகச கதையை விடவும் மொன்னையாக இருக்கும் என்பது உண்மையிலும் உண்மை, எனவே இந்த வேண்டுகோளை நிராகரிக்க வேண்டியுள்ளது.

      ஆணின் உலகில் அம்மாவும் தங்கையும் மனைவியையும் தவிர எந்த பெண்களும் இல்லாத இருப்பின் கதையில் மட்டும் என்ன பெண்ணின் தேவை.  அப்படிப்பட்ட தேவை இந்திய கலைபடைப்புகளில் இருக்க வேண்டிய அவசியமே அது நிஜத்தில் இல்லை என்கிற நிலையால் வருவதுதான் என்பதை தெரிந்து கொண்டதால், காதலுக்கு மதிப்பளித்து தெரியாதவற்றிலிருந்து விலகி இருந்து  அதற்க்கு மதிப்பளிக்கும் முடிவு செய்துள்ளான்.

  காதல் பற்றிய படைப்பை படைக்க ஒரு வித பித்த நிலை வேண்டும். அது இந்த ஜெண்டில்மேன் லைஃப் ஸ்டைலில் சாத்தியமில்லை. 

மெரின்சோ

எனது சூப்பர் ஹிரோவின் சாகச கதை 4: லியோ வைரக்கண்ணு சூப்பர் ஹிரோவே அல்ல: கருப்புயோலி சீற்றம்

லியோ வைரக்கண்ணு சூப்பர் ஹிரோவே அல்ல: கருப்புயோலி சீற்றம்

  சூப்பர் ஹீரோவாக்கியது திட்டமிட்ட சதியே, சதி செய்தது யாரு?

  லியோ வைரக்கண்ணுவின் சாகச கதை 4:

          நான் இருட்டுயோலி எழுதுகிறேன், கடந்த கதையின் http://nirmalcb.blogspot.com/2013/05/blog-post_29.html கடைசியில் வரியில் என்னை போனால் போகட்டுமென அறிமுகம் செய்தான் இந்த கதையை எழுதும் மெரின்சோ.  இது என்ன கதாபாத்திரம் கதை எழுதுகிறது என ஆச்சரியபடக்கூடும், கலிகாலமோ என யோசிக்க தூண்டும், கால காலமாக நாங்கள்தான் எழுதிகொண்டு வந்திருக்கிறோம் ஆனால் எழுத்தாளர்களோ அந்த உண்மையை நமக்கு சொல்லாமல் ஏதோ அவர்கள்தான் படைத்தது போல எழுதி வந்துள்ளாரகள். விமர்சகர்களும் பாத்திர படைப்பு, புடைப்பு, Characterization , masturbation…. என சங்கு ஊதி கொண்டு வந்துள்ளனர்.

             இப்படியாக பாத்திரங்களை இந்த கதை எழுதுபவர்கள் எழுத விடுவதில்லை, கடந்த காலங்களில் சில எழுத்தாளர்கள் அவர்கள் எழுதி முடித்துவிட்டு பேனாவை மூடாது சென்றுவிடும் தருனம் மட்டும் இப்படியான ஆச்சரியம் நிகழும், இப்போதோ கணிணி யுகம், கீ போர்டை ஆஃப் செய்துவிடவில்லை என்றால் என்னை போல பாத்திரங்களே கதையை எழுத ஆரம்பிக்கும். சிலர் அப்படியாக எழுதிய எழுத்தை எடிட் செய்துவிட்டுதான் வாசகனுக்கு காட்டுவார்கள் இந்த எழுத்தாளர்கள். எனவே உங்களால் எங்களை போல பாத்திரங்களே எழுதிய எழுத்துக்களை படித்திருக்கவே முடியாது. கேட்டால் டெக்ஸ்ட்டுக்கு வெளியே காரக்டர் வரக்கூடாது என்பார்கள். அதுவாக எதுவும் செய்து கதையை குழப்பிட கூடாது என அறிவுருத்துவார்கள், அதீ மேதாவிதனமும் கடவுளுக்கு நிகரான நிலைகளை கொண்டவனுமான எழுத்தாளன் அவைகளை பொறுக்கி வீட்டை சுத்தம் செய்வது போல தூக்கி ஏறிந்துவிடுவான். அதாவது நாங்கள் வேண்டு ஆனால் எங்கள் எழுத்து வேண்டாம்.  நான் ஒரு படி மேலே சென்று நான் எழுதிய எழுத்துக்களை வெளியிடவும் செய்துவிட்டேன்.

               இதோ நீங்கள் படித்துகொண்டிருக்கும் இது நான் எழுதியதுதான். மெரின்சோவின் பாஸ்வேர்டை திருடி சாரி யுகித்து ப்ளாக்கில் நுழைந்து இதை உங்களுக்காக வெளியிடுகிறேன். பொதுவாகவே மனிதர்கள் கற்பனை திறன் கம்மி, இதில் பாஸ்வேர்ட் என வந்துவிட்டால், சுத்தம். மெரின்சோவின் பாஸ்வேர்ட் 123456 – நினைவுக்கு வருகிறதா? அவனின் கற்பனை திறனின் அளவுகோல் இது ( கழுகு மூளை பாஸ்வேர்ட்)!!!!.

              உங்களுக்கு சொல்கிறேன் இந்த கதையில் என்னை வில்லனாக்கவே இவ்வளவு பீடிகை, என்னை வில்லனாக்கி என்னை கொல்வதே லியோ வைரக்கண்ணுவின் நோக்கம், அதற்க்காகவே என்னை தேடுகிறான்,  என்னை கொல்ல தேடிகிறேன் என அறிந்தால் மெரின்சோ விடமாட்டன், இதை மறைத்து நான் யார்? எனது இறுத்தலில் அர்த்தமென்ன போன்ற பெரிய வார்த்தைகளை போட்டு மெரின்சோவின் புத்தியை மழுங்க அடித்துவிட்டான் லியோ. ரொம்ப சாதுரியமாக ஏமாற்றுகிறான் இந்த லியோ. உன்மையான வில்லன் யார் என்பதை என்னால் இப்போது சொல்ல முடியாது, ஆனால் தயவு செய்து என்னை நம்புங்கள். கருப்புயோலியாகிய  நான் வண்டிக்கு பாம் வைத்தது போல எழுதியதும் சரி ரெயிலை கவிழ்க்க சதி செய்வது போல சொன்ன கதையும் சரி. முழுக்க உண்மையில்லை.  ப்ளிஸ் என்னை நம்புங்கள். ஆதாரம் கேட்பிர்கள். ஆதாரத்தை நானாக சொல்ல அனுமதி இல்லை.

         ஆனால் கதையின் ஓட்டத்தில் அதை வெளியே கொண்டு வருவேன், இது எனது பாத்திர படைப்பின் மீது ஆனை. மெரின்சோ அப்பாவியா, வில்லனா. யாரு சூப்பர் ஹிரோ லியோவா / கருப்புயோலியா. லியோவின் விஞ்ஞான தகுடுத்தத்தில் மெய் மறந்து கிடக்கிறான். அவனை எப்படி அந்த மயக்கத்திலிருந்து எழுப்ப? கதையின் நகர்வை நான் மாற்றுவதன் மூலமாகவே அதை தெளிய வைப்பேன் என சபதம் எடுக்கிறேன். 

தொடரும்.................

எனது சூப்பர் ஹிரோவின் சாகச கதை 3: இரயில் கவிழ்ப்பு சதி முறியடிப்பு – லியோ வைரக்கண்ணுவின் அடுத்த சாகசம்:

இரயில் கவிழ்ப்பு சதி முறியடிப்பு – லியோ வைரக்கண்ணுவின் அடுத்த சாகசம்:

 எனது சூப்பர் ஹிரோவின் கதை 3:

     இதை வாசிக்கும் முன் முதல் இரண்டு கதைகளை வாசிக்கவில்லை என்றால் இந்த சுட்டிகளில் வாசிக்கலாம், வாசிக்காமலும் இருக்கலாம், அது உங்க இஸ்டம்:

1.   http://nirmalcb.blogspot.com/2013/05/1.html

2.   http://nirmalcb.blogspot.com/2013/05/blog-post_25.html

             லியோ சென்னையில் இறங்கிய இடம் செண்டரல் இரயில் நிலையம். எந்த தண்டாவாளத்தில் பிரச்சனை என்பதை கண்டுபிடிப்பது அவனுக்கு முதல் வேலையாக பட்டது. அவனது பையிலிருந்த சிறிய மல்டி மீட்டரை எடுத்து, அதன் இரு வையர்களில் ஒன்றை ஒரு தண்டவாள கம்பி மீதும் அடுத்த வையரை மற்றுமோரு தண்டவாள கம்பி மீதும் பொருத்தினான். மல்டி மீட்டர் 0 ஒம்ஸ் என சொல்லியது.  மீட்டரில் ஜிரோ காட்டினால் தண்டாவளங்களில் எந்த இடையுறும் இல்லாது சீராக இருக்கினறன என லியோ வைரகண்ணுக்கு தெரியும்,  இவ்வாறாக ஒவ்வரு தண்டாவளமாக அவனது மல்டி மீட்டரை வைத்து சோதனை செய்தான் லியோ வைரக்கண்ணு. இறுதியில் ஒரு தண்டாவாள பாதையை  பரிசோதிக்கும் போது மீட்டர் ஜிரோ காட்டாது, மீன் தடை இருப்பதாக காட்டியது. அதாவது மீட்டரிலிருந்து செல்லும் மின்சாரம் எங்கோ தடைப்பட்டு போகிறது, மீட்டர் காட்டிய மின் விசை எதிர்ப்பு அளவுமுலம் 3 மீட்டர் நிளத்திற்க்கு தண்டவாளம் கழட்டபட்டிருக்கு எனவும் முடிவுக்கு வந்தான். சதிகாரன் செயலால் ஏற்ப்பட போகும் உயிர்ழப்பை தடுக்க வேண்டுமே. அந்த மூன்று மீட்டர் அளவு எவ்வளவு பெரிய பேராபத்தை உருவாக்க போகிறது.  யார் அந்த சதிகாரன்? என சிந்தனையில் முழ்கியவாறே, பையிலிருந்த காரட்டை கடிக்க ஆரம்பித்தான்.

         வானத்தில் கழுகு ஒன்று  பறந்து வந்து கொண்டிருந்தது, அது உலகின் எல்லா கெட்ட வார்த்தைகளை சொல்லி யாரையோ திட்டி கொண்டு வந்தது. டியர் கழுகு, ஹலோ நீ வரும் வழியில் தண்டவாளம் பெயர்க்கபட்டுள்ளதை பார்தாயா? அப்படி பார்த்தாய் எனில் எந்த இடம் என சொல்ல முடியுமா என்றான் லியோ. போடா பேய்…கு…. என இன்னும் கேவலாமாக இவனை பார்த்து திட்டியது. 
        ஆமாம் நான் பார்த்தேன் ஆனால் சொல்ல மாட்டேன், எல்லோரும் செத்து போனால் எனக்கு சந்தோஷம் என்றது.

      சரி கழுகார் இன்னிக்கி மூட் அவுட் போல என என்னி,  கழுகின் மூளையில் பதிந்த பிம்பங்களை ஹக் செய்திட வேண்டியதுதான் என கருதி, தனது கண்களால், கழுகின் மூளையின் நிலையை கண்டறிந்தான், அதன் அனுக்களின் வேகம் மற்றும் அதன் அதிர்வுகளை  கண்டறிந்தான், அதனோடு அவனின் கண்களின் காந்த அலைகளை ஒத்திசைவாக்கினான், கழுகின் முளை பாஸ்வோர்ட் கேட்க்க 123456 என அடித்தான், அது அவனை உள்ளே அனுமதித்தது, பாஸ்வேர்ட் கண்டுபிடித்த காலத்தில் இருந்து இன்று வரை இந்த 123456 ஐ விடவில்லையா புதிசா எதுவும் யோசிக்க மாட்டாய்ங்களா என அதன் முளையில் இருந்த விபரங்களை டவுன்லோட் செய்தான்.  டவுன்லோட்  செய்த பிம்பங்களை உள்ளங்கையில் படமாக ஓட்டி காட்டியது அவனது கண்கள்.

      கழுகு மூளைக்குள் கருமம்: 

          டவுன்லோட் செய்த படங்களை பார்த்து நொந்து போனான், ரெண்டு நிமிடம் கழுகு திட்டிய எல்லா கெட்டவார்த்தைகளையும் வைத்து இவனும் திட்டினான். ச்சே எத்தனையோ முறைகள் இருக்கும் போது இந்த கழுகு முளைக்குள் சென்று பார்க்கும் முறையை தேர்ந்தெடுத்ததை நினைத்து நொந்து கொண்டான். சூப்பர் ஹிரோக்கள் வாழ்க்கையில் இது ஒரு விதமான Occupational Hazardன்னு நினைந்து கொண்டான்.  இந்த கழுகுகளுக்கு கூர்மையான கண்களை கொடுத்து, அதற்கு உயரமாக பறக்கும் ஆற்றலையும் கொடுத்து, ஊரில் உலகில்  நடக்கும் எல்லா கருமங்களையும் பார்க்குபடி செய்துவிட்டதே இந்த இயற்க்கை என நொந்து கொண்டான். இதெல்லாம்  பார்த்து விட்டுதான் கண்ட மண்ட என திட்டி கொண்டு போகுதா. . இப்படியாக பிம்பங்களின் நடுவில் அவன் எதிர்பார்த்த விபரம் கிடைத்தது.

        பிங்கோ என சொல்லி, அதுக்குள் சென்றான். அது இருக்கும் டைம் லைனை வைத்து பார்த்து, கழுகின் பறக்கும் வேகத்தை கணக்கில் கொண்டு, தண்டாவாளம் சேதபடுத்தப்பட்ட இடம் இன்னும் 50 மைல் தூரத்தில் இருக்குமென கணக்கிட்டான்.

       

   இனி இங்கிருந்து அங்கு எப்படி செல்ல, கழுகின் மெமரி பதிவுகளை பார்த்து எங்கே நாமும் அப்படிப்பட்ட காட்சிகளை பார்க்க வேண்டி வருமோ? என என்னி, மண்ணுக்குள் பயணம் செய்ய முடிவு செய்தான்.

         இது வரை யாருக்கும் தெரியாத ஏன் டிஸ்கவரி சானல், ஜாக்ரபி சானலிலும் கூட சொல்லப்படாத ஒரு மிருகத்தை பற்றி இங்கு சொல்ல வேண்டி உள்ளது. இதுவே லியோ வைரகண்ணுவின் இன்றைய வாகனம். இந்த மிருகத்திற்க்கு இதுவரை யாரும் பெயர் வைக்கபடவில்லை, ஏனென்றால் பெயர் சொல் வினைசொல்லுக்கு பிறகுதான் கண்டுபிடிக்கபட்டதாம், பெயர் சொல் மனிதனின் மொழியாகத்தான் இருக்கவேண்டும் ஆனால் வினை சொல்லோ தேவ மொழி. வினைகளை உருவாக்கியவன் அவன் அதற்க்கு பெயர் வைத்தது நாம்.  இதுவரை யாருக்குமே தெரியாத விலங்கிற்க்கு எப்படி பெயர் இருக்க முடியும். வினைசொல் மட்டுமே இந்த உலகில் இருந்தால் நிறைய பிரச்சனைகளுக்கு ஏளிதாக தீர்வு கிடைத்திருக்கும். பெயர்சொல் இருப்பதாலே நாம் வினைகளை பார்க்காது பெயர்களை பிடித்து தொங்கிகொண்டிருக்கிறோம். பெயர்களை தாண்டி வினைகளுக்குள் செல்லவே முடிவதில்லை.  கண்டிப்பா வினை சொல்லுதான் முதலில் தோன்றிருக்க முடியும்.  வாசிக்கும் உங்களுக்கு என்னா தத்துவம்டா என நினைத்தால் பிறரிடம் பகிர்ந்து கொள்ளுங்கள், ஆனால்  நீங்கள்  சொல்லும்  நபர் டிக்ஸ்னரி ஆஃப் கசார் படித்திருக்கும் பட்சத்தில் இது அங்கிருந்து சுட்டது என தேவையில்லாமல் சண்டைக்கு வரலாம், ஜாக்கிரதை.

           சரி நம்ம விலங்கிற்க்கு வருவோம், அக்ட்சுவலா இது விலங்கே அல்ல, இது மட்டுமல்ல  நாம் விலங்கு என சொல்லுவது அனைத்தும். உன்மையிலே ஆதி மனிதர்கள் கண்டுபிடித்த இயந்திரங்கள்தானாம், ஆதி மனிதனின் இயந்திரம் இன்றளவுக்கும் பழுதின்றி ஓடிக்கொண்டிருப்பதை விஞ்ஞான மூளை ஏற்றுகொள்ளுவதில்லை ஆதாலால் அதை கடவுள் படைத்தார் என சொல்லி கொண்டிருக்கிறார்கள். இந்த ரகசியத்தை புண்ண்ணைக்காயல் கடல் குகையில் அவனது மோதிரம் சொல்லி கொடுத்தது.

          இந்த ஆதி மனிதனின் இயந்திரமான மன் விழுங்கியை பிடித்தான் பியோ, மன் விழுங்கி எந்த மன்னுக்குள் இருக்கின்றதோ அதே நிறத்தில் இருக்கும், அது மிக வேகமாக மன்னில்  நிச்சல் அடிக்க கூடியது. அதை பிடித்து மண்ணுக்குள் சென்று, அது மண்ணை அதனுள் உள்ளே விழுங்கி அதன் பின்புறம் வழியாக துப்ப துவங்கியது, துப்பும் எதிர் விசையின் காரணமாக அது முன்னே செல்ல ஆரம்பித்தது, மிக வேகமாக அது மண்களி குடைந்து ( பழக்க தோசம்), மண்ணை தின்று பேண்டு முன்னேறியது. போகும் வழியில் சில கல்லரைகள் வழியாக சென்றது எல்லோரும் சந்தோசமாக இருப்பதாகவே பட்டது, லியோ வைரக்கண்ணுவிற்க்கு.

      இரயில் தண்டவாளத்தை சதி செய்து அந்த முன்று மீட்டர் நிள கம்பி மண்ணுக்குள் புதைத்து வைத்திருப்பதை பார்த்த லியோ அதை கையோடு  எடுத்து கொண்டான், குறிப்பிட்ட இடம் வந்தது மன் விழுங்கியின் ஆசன தூவாரத்தை கையால் மூட அது வேகம் குறைந்து நின்றது, மண்ணிலிருந்து வெளியே வந்து கையில் வைத்திருந்த  தண்டவாள துண்டை பொருத்தி சரி செய்தான் லியோ. இரயில் அவனை கடந்து சென்றது ஆபத்தின்றி.

     சாப்பிட்டுவிட்டு மிஞ்சிய குடல் ஃப்ரை, இரல் ரோஸ்ட் போன்ற அய்டங்களை கேரி போக்கில் போட்டு அதை இரயிலிருந்த ஒருவன் தூக்கி எறிய அது வைரக்கண்ணுவின் முஞ்சில் சபக்கென கொட்டியது. ஷிட் என சொல்லி முகத்தில் வழிந்த ஷிட்டுகளை துடைத்துகொண்டிருந்தான். அப்போது மோதிரம் சினுங்கி மெசேஜை காட்டியது.

       சூப்பர் லியோ – நினைத்ததை விடவும் சிறப்பா செய்கிறாய். அவர்களும் கூட உனக்கு பரிசாக நான் நினைப்பதைவிடவும் சிறப்பாக செய்கிறார்கள். வாழ்த்துக்கள். இப்படிக்கு உன்னை படைத்த இருட்டுயோலி.

         யாரு இந்த  இருட்டுயோலி இவனுக்கும் எனக்கும் என்ன உறவு. இவனை எப்படி பார்க்க, இந்த இருட்டுயோலியிடமே தன்னை பற்றிய எல்லா விபரங்களும் கிடைக்கும் என்று நம்ப துவங்கினான், அவனை கண்டுபிடிப்பதே அடுத்த வேலை என நினைத்துகொண்டு மண்விழுங்கியை பிடித்து மண்ணுக்குள் சென்றான். 10 வயதில் அந்த தாமிரபரணீ கரையோற கிராமத்தில் இருந்த செல்போன் டவரில் கட்டப்பட்ட நினைவின்றி கிடந்த தருனம் நியாபகத்தில் வந்தது அவனுக்கு. நான் யார்? நான் யார்? என முனு மூனுத்து கொண்டே இருந்தான்.

 சாகசங்கள் தொடரும்,,,,,,,,,,,,,,,,,,,,,,,

பாலா எழுதி கொண்டிருக்கும் நாவலுக்கான எனது விமர்சனம்:

சாலை அங்கேயேதான் இருக்கும் – ஒரு பார்வை

       

  நாவல் வெளியிட்ட பிறகு அதை வாசித்து விமர்சனம் செய்வதுதான் முறை, இந்த முறையை மாற்றி, நன்பர் பாலா அவர்கள் எழுதிகொண்டிருக்கும் புதிய நாவலான சாலை அங்கேதான் இருக்கும் எனும் நாவலுக்கான விமர்சனம் இது.  அந்த நாவல் வெளிவரும் முன்பே கடந்த காலத்தில் எழுதியது.  டைம் மெசின் போல காலத்தை மாற்றி போட்டு செய்யப்படும் சிறிய சோதனை.  

              நாவல் எப்போது எனது கைகளில் வரும் என ஆவலோடு எதிர்பார்த்து காத்திருந்து பல தடங்களுக்கு பிறகு எனது கைகளில் கிடைத்தது, எடுத்ததும் இருந்த வேலைகளை எல்லா விட்டுவிட்டு வாசிக்க துவங்கினேன்.

       முதலில் கட்டற்று பயனித்த நாவலுக்குள் அவ்வப்போது என்னை உள்ளே இழுத்தது, இந்த நாவலில் வரும் பாத்திரங்கள் மிகவும் வித்தியாசமானவர்கள் அல்ல, அன்றாடம் நாம் பார்க்கும் பழகும் பாத்திரங்கள்தான். இந்த பாத்திரங்களின் படைப்பு புதியதாக இல்லையென்றாலும் அவை செய்யும் செயல்களும்  நம்மை உருத்தாது நம்மை போலவே அமைத்திருப்பது வாசிக்க சுகமாக இருக்கிறது.  நாம் வாழும் சமுகம் அதன் போலித்தன்மைகளை இவ்வளவு அருமையாகவும் வெளிப்படையாகவும் யாரும் சொல்லிருக்க முடியாது. இருத்தலின் வலிகளை இந்த நாவலின்  நாயகன் “பகடையின்” வாழ்க்கை சித்தரிப்பின் மூலம் நாம் வாழ்ந்து பார்க்கலாம்.

          ”பகடை” -  காலம் ஆடிய சதுரங்க விளையாட்டால் உயிர் மட்டும் தனது உடமையாக வாழ்ந்து வருகிறான், அவனுக்கு இருக்கும் வலிகள், ஏக்கங்களை சொல்லிருப்பது கண்களில் கண்ணிர் வர வைப்பதாக இருக்கிறது. இந்த வலியை எழுத்தில் கொண்டுவந்து நம்மை உறைய வைத்துவிடுகிறார் பாலா. பகடையின் வாழ்வியல் சோகம் இந்த வாழ்க்கையின் அபத்தம், அதன் அர்த்தமின்மையை வெகு சுலபமாக சொல்லிய பாலாவுக்கும் எனது முத்தங்கள்.

            கலாச்சார அறம் சார்ந்த அனல் தெறிக்கும் வசனங்கள் நாவல் முழுவதும் நிரம்பி இருப்பது மனதிற்க்கு இதமாகவும் ஊக்கமாகவும் இருக்கிறது. அவற்றில் சில.

1.    பாவை கஸ்டம்பரை வெளியே அனுப்பிவிட்டு குளித்து விளக்கு ஏற்றி குங்குமம் வைத்து கொண்டாள். அதுவே அவளது வாடிக்கையான செயலகளில் ஒன்று.

2.   மை டியர் பாவை ஓடிப் போய் நாம் கல்யாணம் செய்து கொள்ளலாம் ஆனால் உண்ணை இனிமேல் தொடுவதற்க்கு முன் இந்த கோவிலில் கல்யான செய்து கொள்கிறேன்.

இப்படியான வசனங்கள் அருமையோ அருமை. இதிவே இந்த நாவலை உண்ணதப்படுத்துகிறது.

         இந்த நாவல் முன் வைக்கும் காதல், ஆன் பெண் உறவுகள் மிகவும் நாகரிகமாகவும் நளினமாகவும் இருக்கிறது. என்னதான் பாவை விபச்சாரியாக இருந்தாலும் அவனை காதலிக்கும் பகடை கடைபிடிக்கும் இந்திய பாரம்பரியம் தற்க்கால தமிழத்திற்க்கு தேவைபடும் அறம்.

   பாலாவிற்கு நக்கல் மொழி, நய்யாண்டிதனம் வெகு இயல்பாக வருகிறது. உதாரணம் பிரியாணி சாப்பிட்டுவிட்டு வந்த கையாயோடு சோடாவும் குடித்துவிடுவது வழக்கம் என  நக்கல் அடிப்பது, கோழியா? முட்டையா? எது முதல் எங்கிற கேள்விக்கு பகடையில்  நண்பன் கடப்பாறை சொல்லும் பதில்கள் எல்லாம் நக்கலின் உச்சம். இப்படி சொல்லி கொண்டே போகலாம்.

 இந்த நாவல் முன் வைக்கும் சமுக அரசியல் முக்கியமானது, ஏழையான பகடையின் மீது ஆதிக்க சாதியினரும் பூர்ஷிவாக்களும் கட்டவிழ்த்துவிடும் வன்முறைகள் இந்த உலக்த்தில் எந்த அளவுக்கு வலியவர்களை மிதிக்கிறது இந்த சமுகம் என காட்டுகிறது.

 எடுத்து கையாண்டுள்ள விடயம் மிகவும் புதுமையாகவும் வித்தியாசகவும இருக்கிறது.  நசுக்கப்படும் ஏழை கொட்டி சிரிக்கும் பூர்ஷிவா என இன்றைய நவின இந்தியாவின் பூர்ஷீவாதனத்தை சாடுகிறது இந்த  நாவல்.

 முடிவாக இதை சொல்லி முடிக்க மனமின்றி முடிக்கிறேன். இந்த நாவல் சொல்லும் வதைகள், ரணங்கள், வேதனைகள் மற்றும் சோகங்கள் வைத்து பார்த்தால் இது சோககாப்பியம். இது சொல்லும் காதல், அந்த காதலுக்காக செய்யும் தியாகங்கள் அதை சொல்ல தெரியாது நடக்கும் அவலத்தை வைத்து பார்த்தால் இது காதல் காவியம்.  வாழ்க்கையின் நம்பிக்கையின்மை, இருத்தலின் சோகம் என மிக நேர்த்தியாக சொல்லிருப்பதை வைத்து பார்த்தால் இது எதார்த்த காப்பியம். இந்த நாவல் 2500 வருட கலாச்சார பின்னனிகள் அதை தாங்கிபிடிக்கும் தாய் தத்துவங்களை வைத்து பார்த்தால் இது தத்துவ நூல். தமிழ் மொழி நடையில் இதுவரை யாரும் காட்டிராத  நூண்ணுர்ச்சிகளும்  அதில் இருக்கும் கவிதைத்தன்மைகளை வைத்து பார்த்தால் இந்த சாலை அங்கேயே இருக்கும் எனும் நாவல் தமிழ் காவியம்.

      இது நாம் வாழும் வாழ்வின் அபத்தங்களை சொல்லும் அற்புத நூல்.

  பின்குறிப்பு: இல்லை நண்பா நாவலை படித்துவிட்டு உங்கள் விமர்சனம் வாசித்தேன், நீங்க சொல்வதற்க்கும் இந்த நாவலுக்கும் எந்த சம்பந்தமும் இல்லை.  நீங்கள் நாவலை வாசிக்கவே இல்லையென படுகிறது என்று நீங்கள் நினைத்தால் நாவல் வெற்றி என நினைத்துக்கொள்ளுங்கள். உண்மையில் இந்த கட்டுரையின் தோல்வியில்தான்  அந்த நாவலின் வெற்றியே இருக்கு.  ஏனென்றால் இந்த கட்டுரை அந்த நாவலின் ஒரு வார்த்தையை கூட வாசிக்காமல் எழதியதுதான். 

     எதிர்பார்த்ததை வாசிப்பதில் அப்படியென்ன சுகம் இருக்கமுடியும்? 

எனது சூப்பர் ஹிரோவின் சாகச கதை 2: லியோ வைரக்கண்ணு யார்?

இது லியோ வைரக்கண்ணு 20வது வயதில் நடந்த கதை இது

              சாமி நான் யார்? என்னை ஏன் இவ்வளவு நாட்களாக இந்த கோவிலில் சங்கிலியால் பினைத்து வைத்தனர்? நான் கிறுக்கனா? பேயால் பிடிக்கப்பட்டவனா? மன நிலை சரியில்லாதவனா? சொல்லுங்க சாமி என்றான்.

            நீ யார் என்பதை என்னால் சொல்ல முடியாது அது நீயாகவே கண்டுபிடிக்க வேண்டும்.  நீ யாராகவும் இருக்கலாம், ஆனால் அதை முடிவு செய்யப்போவது நீதான். ஆனால் உனக்குள் இருக்கும் அதீத சக்தி இப்போது உனது உடல் முழுவதும் பரவி கிடக்கின்றது. அதை உனது கட்டுக்குள் வைத்துக்கொள், அதை பிறர் நலம் காக்க பயன்படுத்து என அறிவுரை வழங்கி, ஆசிர்வதித்து கோவிலை விட்டு அனுப்பி வைத்தார் பூசாரி.

       கோவிலுக்கும் வெளியே காலை எடுத்து வைக்கும்போது, அவனை நோக்கி ஒடி வந்தான் ஒரு நறி குறவன்.

 

       I think this Ring belongs to you என அவனிடம் ஒரு மோதிரத்தை காண்பித்து அவனின் விரல்களில் மாட்டிவிட்டான், இவன் இல்லை எனது மோதிரம் இல்லை என எவ்வளவோ மறுத்தாலும் விடாப்பிடியாக விரல்களில் மாட்டி விட்டு மறைந்து போனான். எவ்வளவோ முயன்றும் அவனது விரல்களிலிருந்து அதை அவனால் கழட்ட முடியவில்லை, சரி இருக்கட்டுமென ஆற்றின் ஓரமாக நடந்து தாமிரபரணி கடலில் கடக்கும் புண்ணைக்காயலுக்கு வந்தடைத்தான். அங்கிருந்த ஒரு கடலோர குகைக்குள் தஞ்சம் புகுந்தான். இரவில் விரலிருந்த மோதிரம் சினுங்கியது, அதை பார்க்கும்போது அதிலிருந்து ஓளி விசி ஏதோ ஏதோ பாஷையில் படம் காட்டியது. எதுவும் புரியாதவனாய் அதை கவனிப்பான். 5 வருடம் அந்த குகைக்குள்ளே இருந்து கொண்டு அவனும் அந்த மோதிரம் சொல்லித்தரும் பாடங்களையும் ஞான வியாக்கியானங்களையும் கேட்டு வந்தான். தான் யார் என்பதை தினமும் அந்த மோதிரத்தோடு கேட்டு பார்த்தான், பதில் எதிவும் தரவில்லை மோதிரம், அதற்க்கு பதில் ஏதாவது பாடம் பதிலாக வரும். மோதிரம் சொன்ன அந்தனை பயிற்ச்சிகளையும் செய்தான் ( என்ன பயிற்சி என்பதை அடுத்த பதிவில் எழுதுவேன்) தனது சக்தியை தனது கட்டுப்பாட்டுக்குள் கொண்டுவந்தான், எல்லா விஞ்ஞான தத்துவங்களையும் அறிந்தான். ஆனால் இதெல்லாம் எதற்க்கு? நான் யார்? என்பது மட்டும் அவனுக்கு தெரியாமலயே இருந்தது.

   கடந்த ஒரு வாரமாக மோதிரம் எதுவும் சொல்லவில்லை, தனிமை உணர்ந்த லியோ ஊருக்குள் சென்றான், வேலைக்கு வருகிறாயா என ஒருவன் கேட்க்க அவனும் சரியென தலையசைத்தான். கடலுக்கு சென்று மீன் பிடிக்கும் வேலை. தலையசைத்து அடுத்த நொடி மோதிரம் அதிர்ந்தது, சிறிது மறைவான இடத்தில் சென்று மோதிரத்தை பார்த்தான்.

 

இடம்: சென்னை  பிரச்சனை: ரெயில் கவிழ்க்க சதி. சென்னை செல்லவும்    அவசரம்

   சுவற்றில் மோதிரம் கதைத்தது.

   ஒன்றும் புரியாது திகைத்து எப்படி சென்னைக்கு போவது, நான் என்ன பறந்தா போவேன் என்ற கணம், சுவற்றிலிருந்த கண்ணாடியில் கிழேக்கே உதிக்கும்  சூரியனின் ஓளி பட்டு எதிரொளித்து அவனது கண்களுக்குள் சென்றது. புதிய சக்தி கிடைத்தது போல உணர்ந்தான். வானில் பறக்க அரம்பித்தான், மிகவும் கடினமாக இருந்தது அவனது, அந்த முதல் வான் பயனம் , மேலும், கிழும், எல்லா திசைகளிலும் திக்கு திசை தெரியாது பறந்தான், பறந்து கொண்டிருந்த காக்கை கூட்டம் இங்கேயும் நீங்க வந்திட்டிங்களா உங்க தொல்லை தாங்க முடியலடா சாமின்னு சொல்லிகொண்டு சென்றன, இவனுகளுக்கு இதே வேலையா போச்சி,ஆ ஊன்னா கெளம்பிருவானுவ என்றது ஒரு இளம் பெண் காகம், எந்த பட சூட்டிங் - புது நடிகரா என கேட்டது ஒரு குட்டி காகம், அனுமாரா என்று வினைவியது ஒரு கிழட்டு காகம், ஏதுக்குப்பா இந்த பொழைப்பு உங்களுக்கு என்றது முக்கு உடைந்து போன ஒரு காகம். எல்லா காகமும் கெக்கே கெக்கே புக்கே புக்கே என சிரிந்தது ஆனாலும் அவனுக்கு கா கா கா என்று மட்டுமே கேட்டது.   மரம், பறவைகள் மலைகள் மீதும் மோதினான். நேரம் செல்ல செல்ல பறக்கும் வித்தையை புரிந்து கொண்டான். இடது மற்றும் வலது கைகளை அசைப்பது மூலம் அவனது பறக்கும் பாதையை கட்டுக்குள் கொண்டுவந்தான். கால்களின் அசைப்பின் மூலம் வேகத்தை கட்டுக்குள் கொண்டுவந்தான். பறக்கும் வித்தை கை வசப்படுத்தினான்.

        சுகமாக பறந்து கொண்டிருந்த போது, கூட்ட கூட்டமாக வந்து கொண்டிருந்த வெளி நாட்டு பறவைகள், ஹாய் சூப்பர் ஹீரோ என அழைத்தது, அப்படின்னா என்னா எனறான், இது தெரியாதா, எங்கள் ஊரில் நிறைய சூப்பர் ஹிரோக்கள் இருக்கீறார்கள் அவர்கள் அதீத சக்தி கொண்டவர்கள், மக்களின் பிரச்சனைகளை தீர்த்து வைப்பார்கள் என்றது, ஓ அப்படினா நான் சூப்பர் ஹீரோவா, சரி அப்படியே இருந்தாலும் மக்களின்  பிரச்சனையை நான் ஏன் தீர்த்து வைக்க வேண்டும், அவர்களால் முடியாதோ என்றான். இந்த அளவுக்கு சிந்திக்கும் திறம் இல்லையென்றது அந்த வெளிநாட்டு பறவைகள். ஒவ்வரு பறவைகளும் அவர்களுக்கு பிடித்தமான சூப்பர் ஹீரோவை பற்றிய கதை சொல்லி சிலிர்த்தன. தானும் ஒரு சூப்பர் ஹிரோ என சொல்லிகொண்டு பறவைகளுக்கு :Bye” சொல்லிவிட்டு பயனத்தை தொடர்ந்தான். நாற்றம் மூக்கை துளைக்க விறுக்கென இறங்கினான் – சென்னையில்.

       தொடரும்…….

எனது சூப்பர் ஹிரோவின் சாகச கதை 1 - லியோ வைரக்கண்ணு

 இந்த ஊரின் சூப்பர் ஹிரோக்களை அவரவர் வீட்டின் பூஜை அறைக்குள் சிறை வைத்திருப்பதால் உள் நாட்டு மக்கட்டி நடிகர்களை சூப்பர் ஹிரோக்களாக கற்பனை செய்து வருகிறார்கள், சிலர் மேல நாட்டு சூப்பர் ஹீரோக்களை நம்பி வருகின்றனர். இதை உடைக்கும் பொருட்டு எனது சூப்பர் ஹீரோ  லியோ வைரக்கண்ணு.

லியோ வைரக்கண்ணு – எனது சூப்பர் ஹிரோவின் சாகச கதை 1:

       லியோ வைரக்கண்ணு அப்போதுதான் சூரிய நமஸ்காரம் முடித்து, வீட்டுக்குள் வந்தான். எப்போதும் காலையில் சூரியன் உதிப்பதற்க்கு முன்பே குளித்து சூரிய நமஸ்காரம் செய்வது அவனது  அன்றாட வழக்கம்.  ஏதோ உடலுக்குள் சக்தி போவதை போல உணர்ந்து கொள்வான். சோலார் பேட்டரியில் சார்ஜ் ஏறுவது போல உடல் முழுதும் சக்தி பரவும், மூளை அபாரமாக சுறுசுறுப்போடு இருக்கும். சிறு வயதிலிருந்தே இப்படித்தான்.

        கடந்த சில ஆண்டுகளாக மனதை உருத்தி கொண்டிருக்கும் அந்த கேள்விக்கு இன்று பதில் கிடைக்குமா? யார் அது? அல்லது எது அது? என்று யோசித்து கொண்டிருக்கும் போது, லியோவின் மோதிரம் அதிர்வு கொடுத்து, மோதிரத்தை கண்களால் பார்த்து ஒரு முறை இமைத்து,மோதிரத்தை சுவற்றை நோக்கி காட்டினான் லியோ வைரகண்ணு.

         

இடம்: தூத்துக்குடி, மழலையர் பள்ளி  பிரச்சனை: குழந்தைகளை ஏற்றி செல்லும் வாகனத்தில் ப்ரேக் கோளாறு                                                                                        அவசரம்

 என சுவற்றில் ஓளி பிம்பம் கதை சொல்லியது. விரல்களால் சொடுக்கி மோதிரத்தை அணைத்தான் லியோ.

     மனதில் ஒடிக்கொண்டிருக்கும் அந்த கேள்விக்கு இன்று இது மூலம் விடை கிடைக்குமா என்ற நம்பிக்கையோடு  வீட்டிலிருந்த பைக்கில் ஏறி பறந்தான். இந்த ஊர் இன்னும் சூப்பர் ஹீரோக்களுக்கு ஏற்றது இல்லை என சொல்லிகொண்டே  தலைக்கு மேல் இருந்த கரண்ட் வயர்களை தவிர்த்து பறந்து சென்றான் லியோ வைரக்கண்ணு.

    ஸ்பாட்டில் நின்று பார்த்தான், வேகமாக சென்று கொண்டிருந்தது அந்த வாகனம்,டிரைவரின் கண்களில் மரண பயம் தெரிந்தது, பிள்ளைகளுக்கு எந்த விபரமும் தெரியாது. சந்தோஷமாக பாடிக்கொண்டும் ஆட்டம் போட்டுக்கொண்டும் இருந்தார்கள். அணிந்திருந்த கண்ணாடியின் எடுத்துவிட்டு வண்டியை பார்த்தான். காரின்  பிம்பங்கள் வெறுங்கண்களுக்கு வந்தடைந்த நேரத்தை குறித்துகொண்டான், பின்னர் கண்ணாடி வழியாக கண்களுக்கு வந்த பிம்பம் எடுத்து கொண்ட நேரத்தை குறித்துகொண்டான். இந்த இரு வித்தியாசத்தை வைத்து 100 கி.மீ வாகனத்தின் வேகத்தை கணக்கிட்டுக் கொண்டான்.

என்னதான் சூப்பர் ஹீரோவாக இருந்த போதிலும் இயற்பியல் விதிகளுக்கு உட்ப்பட்டே இருக்க வேண்டியுள்ளதை நினைத்து சலித்து கொண்டான்.

     F&S – execute என Go கமெண்டை சொல்லிக்கொண்டு அவன் கண்களால் காரை ஸ்கேன் செய்ய அரம்பித்தான், பின் கண்களை இரு முறை மூடி திறந்து கருப்பு தார் சாலையை பார்க்க, அவன் கண்களில் இருந்து, சற்று முன் ஸ்கேன் செய்த காரின் உள் கட்டமைப்பை ஒளி பிம்பமாக ரோட்டில் அவன் முன்பு கக்கியது அவனது கண்கள். கைகளால் காரின் ஒவ்வொரு பகுதியாகத் தொட்டு உள்ளே சென்று எதில் பிரச்சனை எனப் பார்த்து வந்தான், பழுதாகி போன ப்ரேக் சிலிண்டரின் மீது சிவப்பு நிறத்தில் அலாரம் அடித்துக்கொண்டிருந்தது,– Hydraulic Oil level critical Low என.

       ப்ரேக் சிலிண்டரில் ஒட்டை. அதன் வழியாக ப்ரேக் ஆயில் ஒழுகி போய்க் கொண்டிருந்தது. பிரச்சனையை கண்டுபிடித்ததில் மகிழ்ந்தாலும், இதை எப்படி சரி செய்ய போகிறோம் என்பது நினைத்து யோசித்தான். மோதிரத்திலிருந்து வந்து கொண்டிருந்த காரின் வெர்ட்சுவல் பிம்பத்தின் மீது ப்ரேக் சிலிண்டரை சரி செய்ய ஆரம்பித்தான் லியோ வைரக்கண்ணு.

     கண்களில் அணிந்திருந்த கண்ணாடியை கழட்டினான். அதன் உட்புறத்தை சூரியனுக்கு நேராக வைத்து, சூரிய ஓளியை சிலிண்டர் ஓட்டை மீது வைத்து சூடாக்கி ஒட்டினான், அது குளிர்வதற்க்கு கண்ணாடியின் வெளிப்பகுதி மூலம் சூரிய ஓளியை ஒட்டிய பகுதி மீது காண்பித்து ஒட்டையை அடைத்தான். அதற்குள் தண்ணீரை நிரப்பினான். வெர்ட்சுவல் வாகனம் சரி செய்தாகிவிட்டது, இப்போது இதை எப்படி நிஜ காரோடு பசை இனைத்தல் செய்ய?

    ப்ரேக் இன்றி ஓடும் வாகனத்தின் அடுத்த ஐந்தாவது நிமிட  நிலை என்னவாக இருக்கும் மற்றும் வாகனத்தில் இருக்கும் கோடிக்கனகான அனுக்களும், மனிதர்களின் உடலின் இருக்கும் ஒவ்வரு அனுக்களும், மற்றும் அதன் துகள்களும் எந்த நிலை அம்சத்தில் இருக்கும் என்பதை கணக்கிட்டு, அதை போலவே உள் அம்சம் கொண்ட வெர்ட்சுவல் வாகனத்தை  நிஜ வாகனம் ஐந்தாவது நிமிடத்தில் வரக்கூடிய சாத்தியம் உள்ள இடத்தில் வைத்துவிட்டான் லியோ வைரக்கண்ணு.

       இது மிக முக்கிய தருனம், காரில் இருக்கும் ஒவ்வரு அனுவுக்கும் ஏற்ற நிலையிலே வெர்ட்சிவல் வாகனத்தின் நிலை இருத்தல் அவசியம், இல்லையென்றால் அது வாகனத்தை வெடித்து சிதறி அடித்துவிடும். இந்த கடைசி ஐந்து நிமிடங்கள் யாரும் எதுவும் செய்ய முடியாது, இனி நடப்பது நல்லதாக இருக்கட்டுமென அவனது பையிலிருந்த கேரட்டை எடுத்து கடித்து சாப்பிட ஆரம்பித்தான்.  நல்ல வேளை வாகனம் நெருங்கி சரியான நிலை அம்சத்தோடு சேர்ந்தது,  பசை இனைத்தல் சரியாக வேலை செய்தது. இருந்தாலும் கூட, வாகனத்தை சூற்றி ஒரு பிரளயம் வந்தது போல காற்றும் ஓளியும் சுத்தியது, சத்தம் ஏது கேட்க்கவில்லை. டிரைவர் ப்ரேக் பிடிக்க,  க்ரிரிரிரிர்ச்ச்ச்ச்ச்ச் என வண்டி நின்றது, நான்கு சக்கரங்களிலிருந்தும் தண்ணிர் ஆவியாகி சென்று கொண்டிருந்தது.

 வைரக்கண்ணுவின் கண்கள் பளிச் பளிச் என ஓளி கொடுத்து, குழ்ந்தைகளிடமிருந்து பறந்து சென்றான். குழந்தைகள் போகும் வண்டியின்  ப்ரேக் சிலிண்டரில் ஓட்டை யார் போட்டது, இதை செய்தவனுக்கும் அவன் தேடிகொண்டிருக்கும்  நபருக்கும் ஏதாவது தொடர்பு இருக்குமா என என்னியப்படி.  

 அப்போது அவனது மோதிரம் அதிர்ந்து “ Welcome” என சினுங்கியது. பெயர் முகவரி இல்லாத அந்த வெல்கமை நினைத்து, தான் சந்திக்க விரும்பும் நபர் கிடைத்துவிடுவான் எனற நம்பிக்கை ஓளி அவனது சூப்பர் கண்களுக்குள் தெரிந்தது.